Rama: U informova se cilësia e ujit është përmirësuar dukshëm, brenda pak ditësh mund të përdoret për pije

16:38 | 12 Nëntor 2023
E.G

Kryetari i Komunës së Prishtinës,Përparim Rama thotë se  nga biseda me Kryeshefin Ekzekutiv të Kompanisë Rajonale të Ujësjellësit “Prishtina” Arsim Fetahu është informuar se cilësia e ujit është përmirësuar dukshëm.

Me anë të një postimi në Fcabeook, Rama tha se brenda pak ditësh uji mund të përdoret për pije, shrkuan Arbresh.info.

“Sapo bisedova në telefon me Kryeshefin Ekzekutiv të Kompanisë Rajonale të Ujësjellësit “Prishtina”, Arsim Fetahun, i cili më informoi se cilësia e ujit është përmirësuar dukshëm dhe brenda pak ditësh do të mund ta përdorim për pije.”, tha Rama.

Ai i luti qytetarët që të kenë durim.

“Ju lutem të keni edhe pak durim, ndonëse e kuptoj shqetësimin që ju keni, sepse z.Fetahu më siguroi që shpejt mund ta konsumojmë ujin sepse tashmë nivelet e manganit në të janë ulur dhe vetëm duhet zbatuar disa procedura të nevojshme që më pas ta përdorim ujin lirshëm për pije.”, përfundoi i pari i Prishtinës./Arbresh.info.

Shpërndaje në rrjete sociale

Lajmet më të lexuara

Të ngjashme

Foto lajm